လုပ်သမျှအရာမထင်ဖြစ်ပြီး စိတ်ဓာတ်တွေကျနေတဲ့အချိန်မှာ ဒီစာလေးကို ဖတ်လိုက်ပါ

Knowledge

လောကမှာ တစ်ခါတလေ ကိုယ်ဘယ်လောက်ပဲ ကြိုးစားနေပါစေ၊ ကြိုးစားသလောက် အရာမထင်တဲ့ အချိန်တွေ ရှိတတ်ပါတယ်။ ဒီလိုအချိန်တွေမှာ ကြိုးစားချင်စိတ်တွေ ကုန်ခမ်းပြီး လောကကြီးမှာ ဆက်မနေချင်တော့လောက်အောင် စိတ်ဓာတ်တွေ ကျနေမိတတ်ပါတယ်။ ဒီလိုအချိန်မှာ ဘယ်သူနဲ့မှလည်း စကားမပြောချင်၊ ဘာကိုမှ အကောင်းမမြင်နိုင်တော့ပဲ တစ်ယောက်တည်း နေချင်လာပါတော့တယ်။ ဒီလိုလုပ်သမျှ အရာမထင်ဖြစ်ပြီး လက်လျှော့ချင်စိတ်တွေ ဖြစ်လာတဲ့အခါတွေမှာ ဒီစာလေးက သင့်အတွက် အထောက်အကူဖြစ်မှာပါ။

(၁) လန်းဆန်းစွာနေပါ

အရာအားလုံးမှာ အသစ်က ပြန်စဖို့ အခွင့်အရေးကောင်းတွေ အများကြီးရှိတဲ့အတွက် အရေးကြီးဆုံးကတော့ စိတ်ပါပဲ။ ဒါကြောင့် အသက်ဝဝရှူပြီး သင့်ရဲ့ ခေါင်းထဲမှာ ရှိနေတဲ့ စိတ်ကူးအိပ်မက်တွေအားလုံး ဖြစ်လာမယ်ဆိုတာကို အပြည့်အဝ ယုံကြည်လိုက်ပါ။ တစ်ခါတလေမှာ သင်ခန်းစာအသစ်တွေကို ရရှိဖို့အတွက် အရှုံးတွေကို ရင်ဆိုင်ရတာဖြစ်ပါတယ်။ ဒါကြောင့် သင့်ရဲ့စိတ်ကို ပေါ့ပေါ့ပါးပါး လန်းလန်းဆန်းဆန်းပဲ ထားပြီး သင်လုပ်ချင်တဲ့အရာတွေအားလုံးကို ဖြစ်မြောက်အောင် ပြန်လည်ကြိုးစားပါ။ သင်မှ မလုပ်ရင် သင့်အတွက် ဘယ်သူမှ လာလုပ်ပေးမှာမဟုတ်ပါဘူး။ ဒါကြောင့် သင့်ရဲ့စိတ်က လန်းဆန်းနေဖို့လိုပါတယ်။

(၂) အကောင်းမြင်ပါ

ကမ္ဘာပေါ်မှာ စိတ်တိုင်းမကျစရာအများကြီး ရှိနေသည့်တိုင်အောင် စိတ်ချမ်းသာစရာလေးတွေလည်း အများကြီးရှိနေပါသေးတယ်။ သင့်ဘဝမှာ ငွေကြေးနဲ့ ဝယ်ယူလို့မရတဲ့ ကျန်းမာခြင်းတွေကို ပိုင်ဆိုင်ထားတယ်၊ ခြေလက်အင်္ဂါတွေ သန်စွမ်းကျန်းမာနေသေးတယ်၊ မိဘနဲ့ သူငယ်ချင်းကောင်းတွေ ရှိသေးတယ်၊ ဒီလိုအရာလေးတွေဟာ အသေးအမွှားလေးတွေလို့ ထင်ရပေမယ့် ငွေကြေးနဲ့ ဝယ်ယူလို့မရတဲ့ အဖိုးမဖြတ်နိုင်တဲ့အရာတွေ ဖြစ်ပါတယ်။ ဒါကြောင့် သင့်မှာ ရှိနေသေးတဲ့ အရာလေးတွေကို အကောင်းမြင်စိတ်ထားတတ်ဖို့က ဒီအချိန်မှာ အရမ်းကိုအရေးကြီးပါတယ်။

(၃) သူတစ်ပါးကို မေတ္တာထားပါ

ကံကြမ္မာဆိုတာ ခန့်မှန်းလို့မရသလို၊ အချိန်တွေကို နောက်ပြန်ဆုတ်လို့လည်း မရတော့တာကြောင့် လုပ်နိုင်တာ တစ်ခုပဲရှိပါတယ်။ အဲဒါကတော့ စိတ်ရှည်သည်းခံခြင်းနဲ့ သူတစ်ပါးကို မေတ္တာထားခြင်းပါပဲ။ သင်ကိုယ်တိုင် စိတ်ဓာတ်ကျနေတဲ့ အချိန်တွေမှာ သူတစ်ပါးကို ကူညီကြည့်လိုက်ပါ။ တူသောအကျိုးပြန်ပေးတာကို လက်တွေ့ခံစားရမှာဖြစ်သလို၊ ပျော်ရွှင်ကြည်နူးမှုတွေလည်း အများကြီးခံစားရမှာ သေချာပါတယ်။ ဒါကြောင့် လောကကြီးကို စိတ်ကုန်လာတဲ့အချိန်တိုင်း ကိုယ့်ထက်နိမ့်ပါးတဲ့သူတွေကို ပြန်ကူညီခြင်းဖြင့် သင့်ရဲ့ပျောက်ဆုံးနေတဲ့ ပျော်ရွှင်ခြင်း၊ ပီတိတွေကို ပြန်ရှာတွေ့မှာဖြစ်ပါတယ်။

(၄) ပြောင်းလဲဖို့လိုအပ်တယ်

တစ်ခါတလေ အမှန်တရားက ခါးသီးပါတယ်။ သင့်ရဲ့ အခြေအနေမှန်၊ အနေအထားအမှန်ကို သိမြင်ရဖို့အတွက် သင်မှားနေတယ်ဆိုတာကို အရင်သဘောပေါက်ဖို့ လိုပါတယ်။ ဒါကြောင့် တစ်ခါတလေမှာ လောကကြီးက သင့်ကို လူမှန်နေရာမှန် ပြန်ထားချင်တဲ့အခါ ခါးသီးတဲ့ အမှန်တရားတွေကို ပေးသိလိုက်ရခြင်းဖြစ်ပါတယ်။ ဒါကြောင့် တစ်ခါတလေမှာ ခါးသီးမှု၊ နာကျင်မှုတွေဟာ တဒင်္ဂသာဖြစ်ပြီး အဲ့ဒီ့အရာတွေကို ပြောင်းလဲလိုက်တာနဲ့ သင်ဟာ ကျိန်းသေပေါက် ပြန်လည်ပျော်ရွှင်လာရမှာဖြစ်ပါတယ်။

(၅) ကိုယ့်ကိုယ်ကို တာဝန်ယူပါ

သင့်ဘဝ ကောင်းမွန်လာဖို့၊ တိုးတက်လာဖို့ တာဝန်အရှိဆုံးလူဟာ သင်ကိုယ်တိုင်ပါပဲ။ သင် မအောင်မြင်သေးတာ၊ သင်ကျရှုံးနေရတာတွေအားလုံးအတွက် သင့်မှာပဲ တာဝန်ရှိပါတယ်။ အကြိမ်ကြိမ် လဲကျခဲ့ရင်တောင် အကြိမ်ကြိမ် ပြန်ထပြီး ပြန်ကြိုးစားလိုက်ပါ။ ပတ်ဝန်းကျင်ကို ဂရုမစိုက်ပါနဲ့၊ သင့်အတွက်သင်ပဲ ရှိတာပါ။ ဒါကြောင့် လုပ်သင့်လုပ်ထိုက်တာ မှန်သမျှကို ပုံမှန်လေး ဆက်လုပ်နေပါ။ သင်ကြိုးစားနေသရွေ့ သင့်အလှည့်ဆိုတာ ရောက်လာမှာ သေချာပါတယ်။

CRD-Auntymay

Leave a Reply

Your email address will not be published. Required fields are marked *