ပြည်တွင်းသတင်း 

ခွင်ပျောက်သွားသည့်နိုင်ငံ



တစ်ရက်က လူမှုကွန်ရက်တွင် မြန်မာစီးပွားရေးနှင့် ပတ်သက်သော စာပိုဒ်တိုလေးတစ်ခု တင်လိုက်မိသည်။ ‘‘မြန်မာနိုင်ငံ၏ လက်ရှိ စီးပွားရေးအခြေအနေ ကျဆင်းသွားခြင်းမဟုတ်ဘဲ ခွင်(ခေါ်) လူတစ်စုအတွက် အခွင့်ထူးများ ရရှိခြင်းမရှိတော့သည့် စီးပွားရေး မလုပ်တတ်တော့ဘဲ ရပ်တန့်သွား ခြင်းဖြစ်သည်’’ ဆိုသည့် အဓိပ္ပာယ် ပါသော စာတစ်ကြောင်းဖြစ်သည်။ မိမိ၏လူမှုကွန်ရက်ထဲတွင် သူငယ် ချင်းလူရာဂဏန်းသာရှိပြီး တင် လိုက်သော Post ကို ပုံမှန်အားဖြင့် ဆယ်ဂဏန်းသာ အားပေးမှုရရှိ သော်လည်း ထိုစာပိုဒ်တင်လိုက်ပြီး ရက်ပိုင်းအတွင်း လူထောင်ချီထပ် ဆင့် Share လုပ်သည်ကို တအံ့ တသြသတိထားမိလိုက်သည်။ အ များစုက ထိုစာပိုဒ်ကို ထောက်ခံ ကြသော်လည်း တချို့သူများက NLD အစိုးရ၏အုပ်ချုပ်ပုံညံ့ဖျင်းမှု ကြောင့် စီးပွားရေးကျဆင်းသည် ဟု ဝေဖန်သူများလည်းရှိသည်။

တကယ်တမ်း မြန်မာပြည်ရှိ လက်ရှိ စီးပွားရေးလုပ်ငန်းများ၏ အစသည် ၁၉၈၈ အရေးအခင်း နောက်ပိုင်း စစ်တပ်မှ အာဏာ သိမ်းပြီး နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(ခေါ်)နဝတအစိုးရလက်ထက်တွင် ဆို ရှယ်လစ်စီးပွားရေးစနစ်ကို ဖျက် သိမ်းပြီး ဈေးကွက်စီးပွားရေးကို စတင်ဖော်ဆောင်ခဲ့စဉ်က စတင်ခဲ့ သည်ဟု ဆိုနိုင်သည်။ ဈေးကွက်စီး ပွားရေးနှင့်အတူ အာဏာရှိ အသိုင်းအဝိုင်းနှင့် ခင်မင်မှု၊ ပတ်သက် ရာပတ်သက်ကြောင်းဖြင့် မည်သူ မှ မရနိုင်သည့် စီးပွားရေးလုပ်ကွက် များကိုရရှိလာသည့် ခရိုနီ (ယခုအ ခေါ် တိုင်ကွန်း)လူတန်းစားတစ်ရပ် ပေါ်လာခဲ့သည်။ ထိုအချိန်က နဝတအစိုးရ၏အဓိကဦးတည် ချက်သည် တစ်နိုင်ငံလုံးနီးပါး၏ ပုန်ကန်ထကြွမှုများကို ဖြစ်သည့် နည်းဖြင့် ဖိနှိပ်နှိမ်နင်းနေရချိန်ဖြစ် သဖြင့် ရှိသည့် အာဏာစက်ကို အစွမ်းကုန်သုံးကာ အကြောက် တရားများဖြင့် ထိန်းချုပ်နေရချိန် တွင် ထိုအာဏာရှိသူများနှင့် ပေါင်း သင်းခွင်ရိုက် (အခွင့်ထူးရယူ)ကာ နေ့ချင်းညချင်း ကျိကျိတက်ချမ်း သာသွားသူများ အများအပြား ပေါ်လာတော့သည်။ အာဏာများများ ရှိသူနှင့် များများရင်းနှီးသူသည်၊ ခွင်များများရပြီး အာဏာအသင့် အတင့်ရှိသူနှင့် ရင်းနှီးသူသည် ခွင်  အသင့်အသင့် စသည်ဖြင့် အာဏာစက်နှင့် ရင်းနှီးမှုအတိုင်းအတာ ပေါ်မူတည်ပြီး စီးပွားရေးလုပ်ငန်း ရှင်အကြီး၊ အလတ်၊ အသေးများ ပေါ်လာကြသည်။ နိုင်ငံပိုင် စက်ရုံ၊ အလုပ်ရုံ၊ ရုံးနေရာ၊ ပန်းခြံ၊ ကလေးကစားကွင်းကအစ လယ်မြေအ ဆုံး သင်္ချိုင်းမြေပါမကျန် သိမ်းယူ ပြီး ကိုယ်ကျိုးအတွက် ရုံးခန်းများ၊ လူနေအိမ်များ၊ ဈေးဆိုင်ကြီးများ တည်ဆောက်ကာ အမြတ်အစွန်း ကြီးမားစွာရရှိခဲ့သည်။

မူကိုမတည်၊ လူကိုတည်ခဲ့တဲ့ခေတ်

၂၀၁၅ ရွေးကောက်ပွဲအပြီး တွင် အနိုင်ရရှိလာသည့် NLD အစိုးရမတိုင်ခင်ခေတ်အထိ စီးပွား ရေးစနစ်သည် မူဝါဒများခိုင်ခိုင်မာ မာမရှိဘဲ အာဏာပိုင်များနှင့် ပတ် သက်သူများ လုပ်ပိုင်ခွင့်များများ ရရှိရေးကို ဦးတည်ခဲ့သည်။ ဈေး ကွက်စီးပွားရေးဟု နာမည်တပ် ထားသော်လည်း လူတိုင်း လွတ် လပ်စွာ ယှဉ်ပြိုင်လုပ်ကိုင်ခွင့်မရ ခဲ့ဘဲ လုပ်ငန်းအများစုကို ပုဂ္ဂိုလ် တစ်ဦးဦး၊ အဖွဲ့တစ်ဖွဲ့ဖွဲ့မှ လက် ဝါးကြီးအုပ်ထားကာ လူတိုင်းယှဉ် ပြိုင်ခွင့်မရအောင် ပိတ်ပင်ထားခဲ့ သည်။

ထိုပုဂ္ဂိုလ်တစ်ဦးဦး၊ အဖွဲ့ တစ်ဖွဲ့ဖွဲ့နှင့် အဆင်ပြေသော အာ ဏာပိုင်ပုဂ္ဂိုလ်တစ်ဦးဦး အာဏာ လက်လွှတ်လိုက်ရသော် ထိုပုဂ္ဂိုလ် ကို မှီ၍ အခွင့်ထူးခံခဲ့သော သူများ အားလုံးလည်း ထိုအာဏာပိုင်ကဲ့ သို့ စီးပွားရေးလုပ်ပိုင်ခွင့်များ လက် လွှတ်ဆုံးရှုံးရလေ့ရှိခဲ့သည်။

မိုးခါးရေဝိုင်းသောက်ရတဲ့ခေတ်

ထိုအချိန်က ရိုးရိုးသားသား စီးပွားရေးလုပ်ကိုင်လိုသူများပင် ခေတ်ရေစီးကြောင်းထဲတွင် လိုက် ပါခဲ့ရသည်။ နိုင်ငံခြားမှ ကုန်ပစ္စည်းတင်သွင်းဖြန့်ချိသူတစ်ဦးနှင့်တွေ့ ရာ တင်သွင်းလာသော ပစ္စည်းဈေးနှုန်းကို မှန်မှန်ကန်ကန်တင်ပြလို သော်လည်း အကောက်ခွန်နှင့် ပြည်တွင်းအခွန်များဦးစီးဌာနတို့မှ ကြိုတင်ခွန် ၂ ရာခိုင်နှုန်းနှင့် ကုန် သွယ်ခွန် ၅ ရာခိုင်နှုန်းကောက်ခံ သဖြင့် အခြားမသမာသူ စီးပွားရေး သမားများမှ ဝန်ထမ်းများနှင့်ပူး ပေါင်းပြီး ပစ္စည်းတန်ဖိုးကို အဆမ တန်လျှော့ပြပြီး တင်သွင်းလာ သောအခါ ဈေးကွက်တွင် ယှဉ်ပြိုင်နိုင်မှုမရှိတော့ဘဲ အများနည်းတူ လိုက်ပြီး ညှိနှိုင်းကာ စီးပွားမပျက် အောင် လုပ်ဆောင်နေရကြောင်း ပြောဖူးသည်။ ထိုအဂတိလိုက်စား မှုများကို ယခင်အစိုးရလက်ထက် က ဖိဖိစီးစီးအရေးယူမဆောင်ရွက် နိုင်သောအခါ မြန်မာပြည်၏စီးပွား ရေးလုပ်ငန်းများသည် မသမာမှုနှင့် အဂတိလိုက်စားမှုပေါ်တွင် မူတည် ပြီး ရပ်တည်လာရတော့သည်။

စီးပွားရေးလုပ်ငန်းရှင်အများ စုတို့သည် လုပ်ငန်းရပ်တည်ဖို့ ရန်နှင့် ပိုမိုတိုးတက်အောင်မြင်ရန် အတွက် အာဏာရှိ ပုဂ္ဂိုလ်များနှင့် ပေါင်းသင်းဖို့ရန် လိုအပ်လာ ကြောင်း သိရှိလာကြပြီး နီးစပ်ရာ အဆက်အသွယ်များ ရှာဖွေပေါင်း သင်းပြီး အများနည်းတူ အခွင့်အ ရေးများကို အရယူလာခဲ့ကြသည်။

ဤသို့ဖြင့် စီးပွားရေးလောကတစ် ခုလုံးနီးပါးသည် ယှဉ်ပြိုင်အနိုင်ယူ ရေးထက် အာဏာရှိသူနှင့်ပေါင်း သင်းပြီး အခွင့်အရေးပိုမိုရရှိရေးကို အလေးထားခဲ့သည်။

မမျှတတဲ့ ကွက်ကျားစီးပွားရေး

နိုင်ငံတစ်နိုင်ငံ၏စီးပွားရေး တိုးတက်မှုသည် လွတ်လပ်စွာ ယှဉ်ပြိုင်ပြီး အပြိုင်အဆိုင်ဝန် ဆောင်မှုနှင့် ကုန်စည်ထုတ်လုပ် ဖြန့်ချိမှုကို များစွာမှ အခြေခံသည်။ ထိုသို့ပြိုင်ဆိုင်ခြင်းဖြင့် လုပ်ငန်းရှင်များနှင့် ကုမ္ပဏီများဆန်းသစ်သော နည်းလမ်းများနှင့် စားသုံးသူများ ကို ဆွဲဆောင်ခြင်းဈေးကွက်ကို နိုင် ငံတကာရောက်အောင် ချဲ့ထွင်ကြခြင်းဖြင့် အောင်မြင်တိုးတက် အောင် စွမ်းဆောင်ကြရင်း အလုပ် အကိုင်၊ ဝင်ငွေနှင့် အခြားအခွင့် အလမ်းများ ပွင့်လင်းလာပြီး နိုင်ငံ ပါ တိုးတက်ဖွံ့ဖြိုးလာနိုင်သည်။ အရည်အချင်းရှိသော လုပ်ငန်းရှင် များနှင့် စီးပွားရေးလုပ်ငန်းများ ပေါ်ပေါက်လာပြီး နိုင်ငံတကာနှင့်  ယှဉ်နိုင်သည့် အခြေအနေအထိ အောင်မြင်လာနိုင်မည်ဖြစ်သည်။

အာဏာပိုင်များအကူအညီ နှင့် ကြီးထွားလာသော လုပ်ငန်းရှင် များသည် နိုင်ငံအတွင်း အခွင့်ထူး များရရှိ၍ အောင်မြင်ခဲ့သော်လည်း တကယ်တမ်း နိုင်ငံတကာနှင့် ယှဉ်ကာ လုပ်ကိုင်နိုင်သည့် အရည်အ ချင်းမျိုး မရှိသလောက် နည်းပါး ကြသည်။

မြန်မာနိုင်ငံမှနေ၍ နိုင်ငံတ ကာသို့ ဘဏ်လုပ်ငန်းလုပ်ကိုင်နေ သော မြန်မာဘဏ်များတစ်ခုမှ မရှိခြင်း၊ နိုင်ငံတကာအိမ်ခြံမြေ လောကတွင် ဝင်ရောက်ရင်းနှီး မြှုပ်နှံသူတစ်ဦးမှ မရှိခြင်း၊ နိုင်ငံတ ကာတွင် ဈေးအရောင်းဆိုင်ကွန် ရက်များ မဖြန့်ကြက်နိုင်ခြင်း၊ နိုင်ငံ တကာသို့ ရောက်အောင် လေ ကြောင်းလိုင်းများ မပြေးဆွဲနိုင်ခြင်း များသည် ဤလုပ်ငန်းရှင်များ၏ ယှဉ်ပြိုင်နိုင်စွမ်း အားနည်းမှုကို ပြသနေကြသည်။ နိုင်ငံတကာသို့ သွားရောက်ယှဉ်ပြိုင်ဖို့ နေနေသာ သာ နိုင်ငံတကာကုမ္ပဏီများကိုပင် ပြည်တွင်းတွင် လာရောက်ရင်းနှီး မြှုပ်နှံကာ ယှဉ်ပြိုင်မည်စိုးရိမ်ပြီး နည်းပေါင်းစုံဖြင့် အာဏာပိုင်များ ၏အကူအညီကို ရယူကာ ဥပဒေ အမျိုးမျိုးထုတ်ခိုင်းပြီး နှစ်ပေါင်း ဆယ်စုနှစ်များစွာ တားမြစ်ထားခဲ့ ကြသည်။

ခွင်ပျောက်သွားသည့်တိုင်းပြည်

၂၀၁၅ ရွေးကောက်ပွဲအပြီး NLD ဦးဆောင်သည့် အစိုးရတစ် ရပ်ပေါ်ထွန်းလာသောအခါ အဓိ ကရိုက်ခတ်မှုခံလိုက်ရသောသူ များသည် ခရိုနီစီးပွားရေးလုပ်ငန်း ရှင်များဖြစ်သည်။ အဂတိလိုက်စား မှုကို တိုက်ဖျက်မည်ဟု ကြွေးကြော်ထားသော အစိုးရသစ်လက် အောက်တွင် အဂတိများဖြင့် တည် ဆောက်ခဲ့သော လုပ်ငန်းများ မလုပ်ရဲ မကိုင်ရဲဖြင့် ရုတ်ခြည်း ရပ်တန့်သွားတော့သည်။ ဝန်ကြီး ဌာနအများစုသည်လည်း ယခင်က ခွင်လို့ခေါ်သည့် အမြတ်အစွန်းများ စွာကို ခွဲဝေရယူသည့် လုပ်ကွက် များ ချက်ချင်းဆိုသလို ရပ်တန့် သွားသဖြင့် ထိုအခွင့်အရေးများကို မှီပြီး လုပ်ကိုင်နေသော စီးပွားရေး လုပ်ငန်းစုများလည်း ရပ်တန့်သွား ခဲ့ရသည်။ ထိုရပ်တန့်သွားမှုနှင့်အ တူ အလုပ်အကိုင် အခွင့်အလမ်း တချို့လည်း ရပ်တန့်သွားခဲ့ရပြီး တစ်နိုင်ငံလုံး အတိုင်းအတာနှင့် စီး ပွားရေးကျဆင်းသွားတော့သည်။

တကယ်တော့ မြန်မာပြည် စီးပွားရေး ကျဆင်းသွားခြင်းမ ဟုတ်ဘဲ ခွင်ပျောက်သွားသဖြင့် စီးပွားရေးလုပ်ငန်းများ မလုပ် တတ်မကိုင်တတ်ဖြစ်ကာ ရပ်တန့် သွားကြခြင်းဖြစ်သည်ဟု ယူဆပါ သည်။ ထိုအချိန်တွင် လက်ရှိ NLD အစိုးရအနေနှင့် ရေတို၊ ရေရှည် စီမံကိန်းများချမှတ်ကာ ခွင်အစား အခြားမှန်ကန်သည့် အခွင့်အလမ်း များဖြင့် နိုင်ငံသားတိုင်း ဝင်ရောက် ယှဉ်ပြိုင်နိုင်ရန်နှင့် အဂတိလိုက် စားမှုများကို အမှန်တကယ်တိုက် ဖျက်ပြီး တိုင်းပြည်၏စီးပွားရေး အမြန်ဦးမော့လာစေဖို့ အလေး ထားဆောင်ရွက်ရန် လိုအပ် ကြောင်း ရေးသားတင်ပြလိုက်ရပါ သည်။ ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)

Related posts

Leave a Comment